Imibare y’abagwa mu ntambara ishyamiranyije Israheli na Hamas ikomeje kwiyongera

Ejo ku wa Kabiri tariki 30 Nyakanga 2024, Abanyapalestine 12 baguye mu gitero cya gisirikare Isiraheli yagabye ku rwinjiriro rw’inkambi y’impunzi ya Nuseirat muri Gaza rwagati.

Aba baturage 12 bishwe baza basanga abandi bagera kuri 300 bivugwa ko bishwe abandi amagana bakaburirwa irengero mu mu mujyi wa Khan Younis wo mu majyepfo ya Gaza.

Ni ibitangazwa n’Ikigo gishinzwe kurengera umutekano w’ abasivili.

Imibare igaragaza ko abarenga ibihumbi Abanyapalestine barenga 39,000 bamaze kugwa mu ntambara ihuje Israheli na Palestina abandi basaga ibihumbi 90,000 bakaba barakomerekeye muri iyi ntambara.

Mu mibare iheruka gutangazwa tariki ya 17 Nyakanga 2024, abantu barenga 40,000 barimo abanyepalesitina 39,145 n’abanya Isiraheli 1,478 bari bamaze kugwa muri iyi ntambara. Iyi ntambara imaze kugwamo kandi abanyamakuru 108 harimo 103 b’abanyepalestina, 2 bo muri Israheli n’abarabu 3.

Si abo gusa kuko imaze guhitana abandi barenga 224 batangaga ubufasha bw’ubutabazi, harimo n’abakozi 179 b’Ishami ry’umuryango w’abibumbye rishinzwe ubutabazi n’imirimo (UNRWA)

Intambara hagati ya Israheli na Hamas yatangiye nyuma y’ibitero byagabwe na HAMAS muri Israheli bigahitana abagera ku 1.139 mu gihe abarenga 200 bajyanywe bunyago.

kwamamaza

Izindi nkuru wasoma

Inkuru z'ukwezi gushize

Ads