Ibibuga by’indege byo ku mugabane w’i Burayi byibasiwe n’igitero cy’ikoranabuhanga cyahungabanyije imikorere y’ikoranabuhanga rikoreshwa mu kwinjiza abagenzi no kugenzura imizigo yabo, bitera ikererwa ry’ingendo z’indege nyinshi, izindi zirasubikwa.
Ikibuga cy’indege cya Heathrow mu Bwongereza kiri mu byagizweho ingaruka kuko cyatangaje ko hashobora kubaho gukererwa kw’indege bitewe n’uko porogaramu itangwa na Collins Aerospace, ikoreshwa na sosiyete nyinshi z’indege kuri icyo kibuga yibasiwe nicyo gitero.
Ni mu gihe ikibuga cy’indege cya Brussels mu Bubiligi cyavuze ko igitero cya mudasobwa cyabaye ku wa Gatanu ni joro cyatumye abagenzi bagenzurwa mu buryo budakoresheje ikoranabuhanga.
Ikibuga cy’indege cya Brandenburg i Berlin Budage nacyo cyatangaje ko habayeho gutinda guhagurukwa kw’indege gukabije kubera icyo kibazo.
Sosiyete ya RTX, itunze Collins Aerospace, yavuze ko “yamenye ibyahungabanyijwe nicyo gitero n’igitero mu byikoranabuhanga” ku bikoresho byayo mu “bibuga bimwe na bimwe,” kandi ko bari gukora ibishoboka byose ngo ikibazo gikemuke vuba na bwangu.
Iyo sosiyete yongeyeho iti:“Ingaruka zigarukira gusa ku buryo bw’ikoranabuhanga bwo kwinjiza abagenzi no kugenuzura imizigo, kandi izo serivisi zishobora gukemurwa hifashishijwe uburyo bwo kwinjiza abagenzi budakoresheje ikoranabuhanga.”
RTX yavuze ko igitero cyibasiye porogaramu yayo ya ‘Muse’ — ikoreshwa n’ibigo bitandukanye by’indege kugira ngo bikoreshe uburyo bumwe bwo kugenzura no gutwara abagenzi ku kibuga cy’indege, aho kuba buri sosiyete ifite uburyo bwayo bwite.
Abagenzi bari bafite indege ziteganyijwe gukora urugendo uyu munsi basabwe n’ibibuga by’indege byahuye nicyo bikibazo kwemeza gahunda zabo z’ingendo ku masosiyete y’indege mbere yo kujya ku kibuga cy’indege.
Umunyamakuru witwaTereza Pultarova, yabwiye BBC News ko ari imbere muri Heathrow, aho yari ategereje gufata indege imujyana i Amsterdam saa mbiri na mirongo itatu za mu gitondo kugira ngo ahuzwe n’indege ijya i Cape Town.
Yagize ati: “Birababaje, sosiyete y’indege nkorana nayo … nta biro by’akazi bafite hano, bityo twasigaye tudafite amakuru. Habayeho akavuye kenshi ukomeye, kandi byabaye bibi cyane ku bantu benshi hano.”
Ku kibuga cy’indege cya Berlin, Kim Reisen yari ahangayitse kubera gutinda no kubura amakuru asobanutse, abwira Reuters ko babwiwe gusa ko hari “ikibazo cy’ikoranabuhanga.”
Undi mugenzi nawe wari ku kibuga cy’indge cya Berlin witwa Siegfried Schwarz, yagize ati:
“Sinshobora kwiyumvisha ukuntu mu gihe cya none cy’ikoranabuhanga, nta buryo bwo kwirinda ibintu nk’ibi bubaho.”
