Ku mugora wo kuri iki cyumweru, tariki ya 26 Ukwakira 2025, ikipe ya Real Madrid yatsinze FC Barcelona ibitego 2–1 mu mukino wa mbere wa El Clásico, muri shampiyona ya La Liga 2025–2026, ikomeza kuyobora urutonde rwa shampiyona n’amanota 27.
Uyu mukino wabereye kuri Stade Santiago Bernabéu i Madrid wari utegerejwe na benshi cyane abafana ba Real Madrid bifuzaga kwihimura kubera ko umwaka w’imikino ushize iyi kipe yo mu murwa mukuru itigeze itsinda na rimwe FC Barcelona mu mikino ine yose bahuye.
Ibitego bya Real Madrid kuri uyu mukino wo kuri iki cyumweru byatsinzwe na Kylian Mbappé ku munota wa 22 ku mupira mwiza yahawe na Jude Bellingham, naho Bellingham na we atsinda igitego cya kabiri ku munota wa 43 nyuma yo guhererwa umupira na Eder Militão, ari na we wari ahawe umupira na Marcus Rashford.
Ku ruhande rwa Barcelona, igitegokimwe cyonyine cyatsinzwe na Fermín López ku munota wa 38.
Real Madrid yabonye amahirwe yo kongeramo igitego cya gatatu, ariko Kylian Mbappé ahusha penaliti ku munota wa 50.
Nubwo ikipe yatsinze, Vinícius Júnior yagaragaje kutishimira icyemezo cy’umutoza ubwo yasimburwaga ku munota wa 73.
Iyi ntsinzi y’uyu munsi yabaye iyo guhagarika umuvumo wari umaze imikino itanu yose Real Madrid idatsinda Barcelona.
Barçaleonea, itarifite bamwe mu bakinnyi bayo bakomeye barimo Raphinha na Robert Lewandowski, byatumye igorwa cyane no guhangana na Real Madrid.
Ni umukino waranzwe n’umuvuduko n’imbaraga ku mpande zombi, cyane cyane ku ruhande rwa Real Madrid yagiye igera imbere y’izamu kenshi,
Mu mikino ikurikira, Real Madrid izasura Elche FC ku wa 2 Ugushyingo 2025, naho FC Barcelona yakire Girona FC kuri uwo munsi umwe.
