Umuhanzikazi w’icyamamare ku rwego mpuzamahanga, Taylor Swift, yongeye kwigaragaza nk’umwe mu bahanzi bafite ingufu n’ijambo rikomeye mu ruhando rw’umuziki w’isi, nyuma yo gushyira hanze album ye nshya yise “The Life of a Showgirl” ku itariki ya 3 Ukwakira 2025.
Iyi album yahise ihinduka amateka mu ruganda rw’umuziki, kuko mu cyumweru cya mbere gusa yacurujwe kopi miliyoni 4, ibi bituma iba album yacurujwe cyane kurusha izindi mu mateka mu gihe gito nyuma yo gusohoka.
Iyi Album igizwe n’indirimbo 18, zirimo izamaze gukundwa cyane n’abakunzi b’umuziki ku isi hose nka Lights On Me, Runaway Heart na Golden Curtain.
Izi ndirimbo zakomeje gukwirakwira ku mbuga zicururizwaho umuziki nka Spotify, Apple Music, na YouTube, aho zimwe zigeze ku mubare urenga miliyoni 100 z’abazumvise, mu gihe gito cyane.
Taylor Swift yahise ajya ku mwanya wa mbere ku rutonde rwa Billboard 200 Albums Chart, rumwe mu zifite ijambo rikomeye mu kumenyekanisha abahanzi ku rwego rw’isi. Yagaragaye kandi mu mitwe y’inkuru z’ibitangazamakuru bikomeye mpuzamahanga nka Rolling Stone, Billboard, New York Times, n’ibindi.
Iyi album ya Taylor Swift isohotse mu gihe kimwe n’iz’abandi bahanzi bakomeye, barimo Beyoncé, wasohoye album ye yise Queen Energy, Drake, n’album ye October Waves
Nubwo bose bafite izina rikomeye mu muziki, album zabo ntabwo yageze ku rwego rw’iy’uyu muhanzikazi mu bijyanye n’umubare w’ibaziguze mu cyumweru cya mbere.
